La Liga futbolchilari o‘yin vaqtida o‘zini tutishi eng ko‘p g‘alati yoki asabga tegadigan murabbiyni aniqlashdi.

ESPN nashri ismi ochiqlanmasligini istagan 30 nafar futbolchi o‘rtasida so‘rovnoma o‘tkazdi. Natijalarga ko‘ra, respondentlarning 43,3 foizi «Atletiko» ustozi Diyego Simeonedan norozi ekanliklarini bildirishgan.

Ro‘yxatda keyingi o‘rinlarni «Xetafe» murabbiyi Pepe Bordalas (23,3%) va «Vilyarreal»dan Marselino (13,3%) egallashdi. Shuningdek, «Jirona» ustozi Michel (6,6%) va «Real»dan yaqindagina iste’foga chiqarilgan Xabi Alonso (3,3%) ham tilga olingan.

So‘rovnomada qatnashgan futbolchilardan biri shunday degan: «Simeone raqiblarni provokasiya qilishni juda yaxshi ko‘radi». Boshqa bir o‘yinchi esa: «Bordalas hamma narsadan shikoyat qilaveradi», deb ta’kidlagan.