Ла Лига футболчилари ўйин вақтида ўзини тутиши энг кўп ғалати ёки асабга тегадиган мураббийни аниқлашди.

ESPN нашри исми очиқланмаслигини истаган 30 нафар футболчи ўртасида сўровнома ўтказди. Натижаларга кўра, респондентларнинг 43,3 фоизи «Атлетико» устози Диего Симеонедан норози эканликларини билдиришган.

Рўйхатда кейинги ўринларни «Хетафе» мураббийи Пепе Бордалас (23,3%) ва «Вильярреал»дан Марселино (13,3%) эгаллашди. Шунингдек, «Жирона» устози Мичел (6,6%) ва «Реал»дан яқиндагина истеъфога чиқарилган Хаби Алонсо (3,3%) ҳам тилга олинган.

Сўровномада қатнашган футболчилардан бири шундай деган: «Симеоне рақибларни провокация қилишни жуда яхши кўради». Бошқа бир ўйинчи эса: «Бордалас ҳамма нарсадан шикоят қилаверади», деб таъкидлаган.