«Barselona» bosh murabbiyi Xans-Diter Flik matbuot anjumanida hujumchi Markus Reshfordning holati haqida gapirib o‘tdi.
— Nima uchun Markus Reshford kamroq o‘yin amaliyotiga ega bo‘la boshladi?
— Oxirgi kunlarda Markusda kichik muammolar bor edi, shu sababli biz uni asradik. Hozir u yana 100 foiz tayyor holatda.
Ma’lumki, Reshford o‘tgan yozda «Manchester Yunayted»dan ijara asosida «Barselona»ga o‘tgan edi. O‘shandan beri hujumchi 38 ta rasmiy uchrashuvda maydonga tushib, 10 ta gol urdi va jamoadoshlariga 13 ta golli uzatmani amalga oshirdi.
Yakshanba kuni «Barselona»ni Ispaniya La Ligasi doirasida o‘z maydonida «Rayo Valyekano»ga qarshi o‘yin kutmoqda.
