Angliyalik mashhur sobiq futbolchi Stiven Jerrard Tomas Tuxelning Trent Aleksandr-Arnoldni Angliya terma jamoasiga chaqirmaslik haqidagi qaroriga izoh berdi.

Madridning «Real» klubi o‘ng qanot himoyachisi «uch sherlar»ning bo‘lajak o‘rtoqlik o‘yinlari uchun qaydnomasiga kiritilmadi.

«Tuxel Trentni chaqirmaganini eshitib, juda hayron qoldim. Aleksander-Arnold Angliyaning eng yaxshi 35 nafar futbolchisi qatoriga kiradimi? Albatta, kiradi. Oldinda bizni zich himoyalanadigan jamoalarga qarshi o‘yinlar kutmoqda va bizga yaxshi pas sohibi bo‘lgan futbolchilar kerak — Trent esa bu talabga to‘liq javob beradi. Menga u uchun alam qilyapti», – deya Jerrardning so‘zlarini keltirmoqda Madrid Xtra nashri.

Inglizlar 27 mart kuni Urugvay terma jamoasi bilan to‘qnash keladi, 31 martda esa Yaponiyaga qarshi maydonga tushadi.