«Manchester Yunayted» rahbariyati yozgi transfer oynasi uchun o‘zlarining asosiy maqsadini belgilab oldi. Gap «Nyukasl» yarim himoyachisi Bruno Gimaraes haqida ketmoqda, uning ehtimoliy transferi so‘nggi kunlarda faol muhokama qilinmoqda.

UOL nashri bergan ma’lumotlarga ko‘ra, «qizil iblislar» 28 yoshli futbolchining vakillari bilan allaqachon aloqa o‘rnatgan. Braziliyalik futbolchining narxi ancha maqbul hisoblanmoqda — taxminan 60 million funt sterling (69 million yevro).

Bruno Gimaraes 2022 yil boshidan buyon «Nyukasl» sharafini himoya qilib kelmoqda. Joriy mavsumda yarim himoyachi «qarg‘alar» safida barcha turnirlarda 35 ta o‘yinda maydonga tushib, 9 ta gol urdi va 7 ta golli uzatmani amalga oshirdi.