«Milan» bosh murabbiyi Massimiliano Allegri o‘z jamoasining markaziy himoyachisi Straxinya Pavlovichning o‘yiniga baho berdi.
24 yoshli serbiyalik futbolchining goli «rossonerilar»ga A Seriyaning 30-turi doirasida «Torino»ga qarshi kechgan so‘nggi uchrashuvda (3:2) g‘alaba qozonishga yordam berdi.
«U ajoyib o‘yin o‘tkazdi va sezilarli darajada o‘sdi. Unda xarakter va qalb bor, himoyada ham yaxshi harakat qildi. Uning o‘sishidan juda mamnunman», — dedi Allegri matbuot anjumanida.
Joriy mavsumda Pavlovich barcha turnirlarda 30 ta o‘yinda ishtirok etib, 4 ta gol va bitta golli uzatmani o‘z hisobiga yozdirib qo‘ydi. Markaziy himoyachining «Milan» bilan shartnomasi 2028 yilda yakuniga etadi.
