Ispaniya chempionatining 29-turi doirasida bo‘lib o‘tgan markaziy uchrashuvda «Real» o‘z maydonida «Atletiko»ni 3:2 hisobida mag‘lub etdi.
Mezbonlar safida Vinisius Junior dubl qayd etdi (gollardan biri penaltidan kiritildi), yana bir golga Federiko Valverde mualliflik qildi. Mehmonlar tarkibida esa Ademola Lukman va Nauel Molina o‘z hisobiga bittadan gol yozdirib qo‘yishdi.
Uchrashuvning 77-daqiqasidan boshlab «Real» bir kishi kam bo‘lib o‘ynadi — gol muallifi Valverde maydondan chetlatildi.
Shu tariqa, «Real» barcha musobaqalardagi ketma-ket beshinchi g‘alabasini qo‘lga kiritdi. Jamoa 29 o‘yindan so‘ng 69 ochko bilan Ispaniya chempionati turnir jadvalida ikkinchi o‘rinni egallab turibdi. «Atletiko» esa 29 uchrashuvda 57 ochko jamg‘arib, to‘rtinchi pog‘onadan joy olgan.
Ispaniya La Ligasi. 29-tur
23.03.2026 | 01:00
«Santyago Bernabeu», Madrid
«REAL MADRID» — «ATLETIKO MADRID» — 3:2
Gollar: Ademola Lukman 33 (0:1), Vinisius Junior 52-pen (1:1), Federiko Valverde 55 (2:1), Nauel Molina 66 (2:2), Vinisius Junior 72 (3:2).
«Real Madrid»: Lunin, Ryudiger, Xeysen, Garsiya, Karvaxal (Aleksandr-Arnold, 64), Tshuameni, Pitarch (Mbappe, 64), Arda Gyuler (Bellingem, 74), Valverde, Vinisius Junior (Karreras, 87), Dias (Kamavinga, 74).
«Atletiko»: Musso, Gansko, Le Norman (Ximenes, 46), Rudjeri, Lyorente, Kardozo (Molina, 57), Koke, Lukman (Serlot, 57), Simeone (Baena, 71), Grizmann (Gonsales, 57), Alvares.
Ogohlantirishlar: Pitarch (63) — Kardozo (27), Rudjeri (36), Gansko (61), Lyorente (68).
Chetlatish: Federiko Valverde 77 («Real Madrid»).
