Manbaga ko‘ra, Braziliya futbol federasiyasiga yaqin shaxslar Neymarning jahon chempionatida ishtirok etishi masalasi ancha noaniq holatga kelib qolganini bildirmoqda. Bu haqda CNN Brazil xabar berdi.

Qayd etilishicha, federasiya rahbariyatida «Santos» hujumchisi uzoq vaqt maydondan chetda qolgani va jismoniy holati bilan bog‘liq muammolar tufayli kerakli formani tiklay olishiga ishonch yo‘q.

Shuningdek, futbolchi va rasmiylar o‘rtasida munosabatlar tarang ekani aytilmoqda. Manba ma’lumotiga ko‘ra, Neymarning ayrim ommaviy bayonotlari va media maydondagi chiqishlari federasiya ichida salbiy qabul qilinmoqda va norozilikka sabab bo‘lmoqda.

Alohida ravishda «Mirassol»ga qarshi so‘nggi o‘yin bilan bog‘liq holat ham tilga olingan: Braziliya terma jamoasi bosh murabbiyi Karlo Anchelotti futbolchining holatini shaxsan baholash uchun o‘yinga kelgan, biroq Neymar yuklamani nazorat qilish sabab maydonga tushmagan va hatto stadionda ham bo‘lmagan. Bu holat federasiyada salbiy qabul qilingan.

Manbaga ko‘ra, aynan shu holat munosabatlar yomonlashuvida hal qiluvchi omil bo‘lgan bo‘lishi mumkin. Hozirda federasiya ichida Neymarning jahon chempionatiga borish ehtimoli juda past, degan fikr ustunlik qilmoqda. Shu bilan birga, futbolchida vaziyatni o‘zgartirish uchun cheklangan miqdorda o‘yinlar qolgani ta’kidlanmoqda, ammo ayni paytda uning turnirda ishtirok etishi ancha shubhali ko‘rinmoqda.