Madridning «Real» klubi «Atletiko»ga qarshi derbini Federiko Valverde maydondan chetlatilgani sababli bir kishi kam bo‘lib yakunladi. Urugvaylik yarim himoyachi 77-daqiqada qo‘pol o‘yini uchun to‘g‘ridan-to‘g‘ri qizil kartochka oldi. Qolgan vaqt ichida «qaymoqranglilar» 3:2 hisobidagi g‘alabani saqlab qolishga muvaffaq bo‘lishdi.
«Real» klub telekanali vakillari, odatdagidek, hakamlar qaroriga jiddiy norozilik bildirishdi: «Valverdening qizil kartochkasi — bu shunchaki sharmandalik. Agar «Osasuna»ga qarshi o‘yinda nima bo‘lganini eslasak, nega bunday qaror qabul qilingani va nima uchun VAR aralashmagani tushunarli bo‘ladi», — deya RMTV bayonotidan iqtibos keltiradi Madrid Xtra.
Valverde 55-daqiqada «Real»ning ikkinchi goliga mualliflik qilgan edi. «Matraschilar» darvozasiga yo‘llangan birinchi va uchinchi to‘plarni esa Vinisius Junior kiritdi.
