«Manchester Siti» futbolchisi Niko O’Rayli Angliya liga kubogi finalida «Arsenal»ga qarshi kechgan bahsda (2:0) bosh murabbiy Xosep Gvardiola tomonidan berilgan ko‘rsatmalar haqida so‘zlab berdi.
Jamoalar birinchi bo‘limda darvozalarga yo‘l topa olishmadi. Uchrashuv taqdiri tanaffusdan so‘ng hal bo‘ldi: O’Rayli 60 va 64-daqiqalarda gol urib, dubl qayd etdi.
«Tanaffusda murabbiy bizga o‘ng qanotda Rayan Sherki hosil qilayotgan bo‘sh hududlardan foydalanish qanchalik muhimligini tushuntirdi. Biz Deklan Rays Rodri yoki Bernardu Silvani ta’qib qilib, Sherkini bo‘sh qoldirayotganini ko‘rdik. Gollar aynan o‘sha yerdan — o‘ng qanotdan keldi, demak, reja ish berdi!» — deya final qahramoni O’Raylining so‘zlarini keltiradi City Report.
«Shaharliklar»ning navbatdagi uchrashuvi 4 aprel kuni Angliya Kubogi 1/4 finali doirasida bo‘lib o‘tadi — raqib «Liverpul» jamoasi.
