«Манчестер Сити» футболчиси Нико О’Райли Англия лига кубоги финалида «Арсенал»га қарши кечган баҳсда (2:0) бош мураббий Хосеп Гвардиола томонидан берилган кўрсатмалар ҳақида сўзлаб берди.
Жамоалар биринчи бўлимда дарвозаларга йўл топа олишмади. Учрашув тақдири танаффусдан сўнг ҳал бўлди: О’Райли 60 ва 64-дақиқаларда гол уриб, дубль қайд этди.
«Танаффусда мураббий бизга ўнг қанотда Райан Шерки ҳосил қилаётган бўш ҳудудлардан фойдаланиш қанчалик муҳимлигини тушунтирди. Биз Деклан Райс Родри ёки Бернарду Силвани таъқиб қилиб, Шеркини бўш қолдираётганини кўрдик. Голлар айнан ўша ердан — ўнг қанотдан келди, демак, режа иш берди!» — дея финал қаҳрамони О’Райлининг сўзларини келтиради City Report.
«Шаҳарликлар»нинг навбатдаги учрашуви 4 апрель куни Англия Кубоги 1/4 финали доирасида бўлиб ўтади — рақиб «Ливерпуль» жамоаси.
