«Real» bosh murabbiyi Alvaro Arbeloa La Liga 29-turi doirasida «Atletiko»ga qarshi kechgan bahsdagi (3:2) Vinisiusning o‘yiniga baho berdi.
Braziliyalik futbolchi ikkinchi bo‘limda dubl qayd etdi, jumladan, 72-daqiqada g‘alaba golini kiritdi.
«Vinisiusdan yana bir ajoyib o‘yin. Iqtidor, shijoat, xarakter va qo‘rquvsizlikning navbatdagi namoyishi. U xato qilishdan qo‘rqmaydi va qayta-qayta harakat qilishda davom etadi.
U juda qiyin vaziyatda bizga g‘alaba keltirgan aql bovar qilmas gol urdi. Tarkibimizda ishga bo‘lgan sadoqati, iste’dodi va jamoani o‘z ortidan ergashtirishga bo‘lgan doimiy intilishi bilan ajralib turadigan bunday futbolchi borligidan baxtiyormiz.
U faoliyatidagi eng yaxshi sport formasidami yoki yo‘qmi, bilmadim, lekin u bunga juda yaqin turibdi», – dedi Alvaro Arbeloa.
