Hujumchi Antuan Grizmann «Orlando Siti»da yiliga taxminan 10 million yevro maosh oladi. Bu haqda jurnalist Fabris Xokins xabar bermoqda.
Xokins ushbu summa soliqlar hisoblangunga qadarmi yoki undan keyingi toza daromadmi — bunga aniqlik kiritmagan. Capology ma’lumotlariga ko‘ra, hozirda Grizmann La Ligada soliqlar bilan birga yiliga 9,38 mln yevro (soliqlardan tashqari — 4,5 mln yevro) maosh olmoqda.
Avvalroq 35 yoshli fransuz MLS klubi bilan ikki yillik shartnoma imzolashi ma’lum bo‘lgan edi. U «Orlando Siti» safiga joriy mavsum yakunlanganidan so‘ng borib qo‘shiladi.
Ushbu mavsumda Grizmann La Liganing 26 ta o‘yinida 6 ta gol urdi va 1 ta golli uzatmani amalga oshirdi.
