Pablo Longoriya «Marsel» prezidenti lavozimini tark etmoqda. Klub egasi hisoblangan McCourt Global kompaniyasi Longoriya bilan hamkorlikni to‘xtatish bo‘yicha kelishuvga erishdi. Ispaniyalik funksioner 2021 yilning fevralidan beri prezidentlik lavozimida ishlab kelayotgan edi.

«Marsel» Pablo Longoriyaning so‘nggi olti yil davomida klub farovonligi yo‘lida ko‘rsatgan fidoyiligi, ishtiyoqi va qilgan mehnatlarini alohida e’tirof etadi. Klub unga faoliyatining keyingi bosqichida samimiy muvaffaqiyatlar tilaydi.

Pablo Longoriya ushbu olti mavsum davomida ko‘rsatilgan ishonch uchun «Marsel»ga minnatdorchilik bildiradi va ushbu sayohatning bir qismi bo‘lgan barcha xodimlar, futbolchilar va muxlislarga o‘z tashakkurini izhor etadi», — deyiladi klub bayonotida.

27-turdan so‘ng «Marsel» 49 ochko jamg‘argan holda Liga 1 turnir jadvalida 3-o‘rinni egallab turibdi.