Пабло Лонгория «Марсель» президенти лавозимини тарк этмоқда. Клуб эгаси ҳисобланган McCourt Global компанияси Лонгория билан ҳамкорликни тўхтатиш бўйича келишувга эришди. Испаниялик функционер 2021 йилнинг февралидан бери президентлик лавозимида ишлаб келаётган эди.
«Марсель» Пабло Лонгориянинг сўнгги олти йил давомида клуб фаровонлиги йўлида кўрсатган фидойилиги, иштиёқи ва қилган меҳнатларини алоҳида эътироф этади. Клуб унга фаолиятининг кейинги босқичида самимий муваффақиятлар тилайди.
Пабло Лонгория ушбу олти мавсум давомида кўрсатилган ишонч учун «Марсель»га миннатдорчилик билдиради ва ушбу саёҳатнинг бир қисми бўлган барча ходимлар, футболчилар ва мухлисларга ўз ташаккурини изҳор этади», — дейилади клуб баёнотида.
27-турдан сўнг «Марсель» 49 очко жамғарган ҳолда Лига 1 турнир жадвалида 3-ўринни эгаллаб турибди.
