«Chelsi» kiyinish xonasida klub rahbariyatidan norozilik kayfiyati hukm surmoqda, ayniqsa, Enso Mareskaning bosh murabbiylik lavozimidan bo‘shatilishi haqidagi qarordan so‘ng vaziyat keskinlashgan. Jurnalist Eduardo Burgosning xabar berishicha, jamoaning bu masaladagi pozisiyasini faol ifoda etayotgan futbolchilardan biri yarim himoyachi Enso Fernandesdir.
Ma’lumki, «Chelsi» Enso Mareskaning iste’fosini Yangi yil kuni — 1 yanvarda e’lon qilgan edi. Oradan ko‘p o‘tmay, jamoani Liam Rosenyor qabul qilib oldi. Hozirda «aristokratlar» Premyer-liga turnir jadvalida oltinchi o‘rinni egallab turishibdi.
«Chelsi» navbatdagi uchrashuvini 4 aprel kuni Angliya kubogi doirasida «Port Veyl»ga qarshi o‘tkazadi.
