«Челси» кийиниш хонасида клуб раҳбариятидан норозилик кайфияти ҳукм сурмоқда, айниқса, Энцо Маресканинг бош мураббийлик лавозимидан бўшатилиши ҳақидаги қарордан сўнг вазият кескинлашган. Журналист Эдуардо Бургоснинг хабар беришича, жамоанинг бу масаладаги позициясини фаол ифода этаётган футболчилардан бири ярим ҳимоячи Энцо Фернандесдир.
Маълумки, «Челси» Энцо Маресканинг истеъфосини Янги йил куни — 1 январда эълон қилган эди. Орадан кўп ўтмай, жамоани Лиам Росеньор қабул қилиб олди. Ҳозирда «аристократлар» Премьер-лига турнир жадвалида олтинчи ўринни эгаллаб туришибди.
«Челси» навбатдаги учрашувини 4 апрель куни Англия кубоги доирасида «Порт Вейл»га қарши ўтказади.
