«Arsenal» sardori Martin Edegor 4 aprel kuni «Sautgempton»ga qarshi bo‘lib o‘tadigan Angliya Kubogi bahsida maydonga qaytishni maqsad qilgan. Bu haqda Football London nashri xabar bermoqda.

Yarim himoyachi dastlab «Brentford»ga qarshi o‘yinda orttirib olgan jarohatini «Shimoliy London derbisi»da qaytalab yuborgan edi. Shundan so‘ng, «Arsenal» kutilmagan salbiy oqibatlarning oldini olish maqsadida futbolchining to‘liq va ehtiyotkorona reabilitasiya dasturiga asosiy e’tiborni qaratdi.

Garchi Edegorning kubok finali qaydnomasiga kiritilishi borasida ijobiy taxminlar bo‘lgan bo‘lsa-da, yakunda xalqaro tanaffusdan so‘ng mavsumning qolgan qismida optimal holatda qaytishini ta’minlash uchun tavakkal qilmaslikka qaror qilindi.

Edegor xalqaro tanaffus vaqtida mashg‘ulot maydonida o‘z jamoadoshlari — Gabriel Magalyaes, Eberechi Eze, Leandro Trossard, Vilyam Saliba va Yurriyen Timber bilan birga shug‘ullanishi kutilmoqda. Ularning barchasi terma jamoa ixtiyoriga borishdan bosh tortgan.