Italiyaning «Milan» klubi hujumchisi, amerikalik Kristian Pulishich asosan o‘z vatanida bo‘lib o‘tadigan Jahon chempionatiga tayyorgarlik ko‘rmoqda. Eslatib o‘tamiz, kelib chiqishi xorvat bo‘lgan Pulishich 2022 yilgi Jahon chempionatida ham ishtirok etgan va o‘sha tajribasini yodga oldi.
«Bu aql bovar qilmas darajada edi. Ushbu turnirga tayyorgarlik jarayonida va Mundial davomida o‘zim haqimda ko‘p narsalarni bilib oldim. Terma jamoadagi ko‘plab sheriklarim qatori men uchun ham Jahon chempionatida qatnashish bolalikdagi orzumning ijobati bo‘ldi. Endi esa bu turnirni butun mamlakat o‘z ko‘zi bilan ko‘rishi mumkin bo‘ladi», — deya Pulishichning so‘zlaridan iqtibos keltirmoqda pianetamilan.it.
Eslatib o‘tamiz, Argentina terma jamoasi amaldagi jahon chempioni hisoblanadi.
