«Bavariya» yarim himoyachisi Maykl Olise Angliya Premyer-ligasiga qaytishi mumkin.

Indykaila News nashrining xabariga ko‘ra, «Liverpul» fransuz futbolchisini o‘z safiga qo‘shib olishga qiziqish bildirmoqda. Futbolchining vakillari allaqachon «qizillar»ni ogohlantirishgan: transfer amalga oshishi uchun ingliz klubi joriy mavsum yakunlariga ko‘ra Chempionlar Ligasiga yo‘llanma olishi shart. Ayni damda «Liverpul» APL turnir jadvalida 5-o‘rinni egallab turibdi.

Maykl Olise 2024 yilda «Kristal Pelas»dan «Bavariya»ga 53 million yevro evaziga o‘tgan edi. Uning Myunxen klubi bilan shartnomasi 2029 yilning 30 iyunigacha amal qiladi. Joriy mavsumda yarim himoyachi «Bavariya» safida barcha turnirlarda 39 ta o‘yinda maydonga tushib, 16 ta gol urdi va 27 ta golli uzatmani amalga oshirdi.