"Real Madrid" atrofida yana bir shov-shuvli bayonot paydo bo‘ldi.
Klubning sobiq fizioterapevti va nutrisiologi Isiar Gonsales tibbiy shtab manziliga keskin tanqid bildirdi. U avvalroq Kilian Mbappe jarohati tashxisida yo‘l qo‘yilgan ehtimoliy xatolar haqidagi xabarlarga munosabat bildirdi.
Gonsales ijtimoiy tarmoqlarda shunday yozdi:
«Umid qilamanki, endi klubda bilimli mutaxassislar ko‘proq bo‘ladi va tanish-bilishchilik orqali lavozimga kelgan, o‘zini o‘ylaydigan odamlar kamayadi. Bundaylar futbolchilarga faqat zarar keltiradi.
Hatto qay biri yomonroq ekanini bilmayman — bu xabarmi yoki klubda ovqatga solinadigan qo‘shimchalar bepul versiyadagi ChatGPT maslahati bilan tayinlanayotgani haqidagi holat».
Ma’lumot uchun, Gonsales «Real Madrid»da 2025 yil avgustga qadar faoliyat yuritgan. Uning bayonoti klub tibbiy shtabi atrofidagi bahslarni yanada kuchaytirishi mumkin.













