«Barselona» va Ispaniya terma jamoasi markaziy himoyachisi Pau Kubarsi bo‘lajak Jahon chempionatida kimni favorit deb hisoblashini aytdi.
19 yoshli futbolchi o‘z milliy jamoasini turnirda g‘olib chiqish uchun asosiy da’vogar deb bilishini yashirib o‘tirmadi.
«Menimcha, Ispaniya — Jahon chempionati favoriti. Biz Yevro-2024 ni ajoyib o‘tkazdik, shu sababli favorit bo‘lib qolmoqdamiz. Biroq boshqa kuchli terma jamoalar borligini ham tushunib turibmiz», — dedi Kubarsi Marca nashriga bergan intervyusida.
«Qizil furiya» mundialda Kabo-Verde, Saudiya Arabistoni va Urugvay terma jamoalari bilan bir guruhdan joy olgan. Ispaniyaliklar ilgari bir marta — 2010 yilda Jahon chempionatida g‘olib chiqishgan.
