Germaniya 2026 yilgi jahon chempionati favoritlari qatoriga kirmaydi, chunki milliy terma jamoa so‘nggi vaqtlarda yirik turnirlarda sezilarli natijalarga erisha olmadi.
Bu haqda Myunxenning «Bavariya» klubi yarim himoyachisi va milliy terma jamoa sardori Yozua Kimmix ma’lum qildi.
«Biz asosiy favoritlar qatorida emasmiz, chunki oxirgi turnirlarda kerakli darajani ko‘rsata olmadik», — deya futbolchining so‘zlaridan iqtibos keltirmoqda Sky Sport Germany.
Shu bilan birga, u agar nemislar turnirni muvaffaqiyatli boshlab olishsa, uzoqroqqa borish uchun yaxshi imkoniyatlarga ega ekanligini qo‘shimcha qildi.
Eslatib o‘tamiz, Rossiya va Qatarda bo‘lib o‘tgan so‘nggi ikkita mundialda Germaniya guruh bosqichidan o‘ta olmagan edi.
