"Liverpul" yozgi transfer oynasi oldidan katta xaridga tayyorgarlik ko‘rmoqda.

Klub Muhammad Saloh o‘rnini bosish uchun taxminan 140 mln yevro ajratgan. Avvalroq misrlik yulduz mavsum yakunida jamoani tark etishi rasman e’lon qilingan edi.

TEAMtalk xabariga ko‘ra, mersisaydliklar ro‘yxatida uch nafar asosiy nomzod bor:

- Maykl Olise («Bavariya»)
- Entoni Gordon («Nyukasl»)
- Yan Diomande («RB Leypsig»)

Ma’lum qilinishicha, klub uchun ustuvor variant — Olise hisoblanadi. Biroq uni "Bavariya"dan olib kelish oson bo‘lmaydi.

Shunga qaramay, «Liverpul» Bundesliga yulduzini aynan shu summa — 140 mln yevro evaziga transfer qilish imkoniyatini ko‘rib chiqmoqda.