Turinning «Yuventus» klubiga tegishli bo‘lgan va joriy mavsumni Madridning «Atletiko» jamoasida ijara asosida o‘tkazayotgan argentinalik vinger Niko Gonsalesning kelajagi borasida yangi ma’lumotlar paydo bo‘ldi.

Bundan oldin «matraschilar» 27 yoshli futbolchini to‘liq sotib olish maqsadga muvofiqligi borasida shubhalanayotgani haqida xabar berilgan edi.

Cadena SER nashriga ma’lum bo‘lishicha, Gonsales asosiy tarkib futbolchisi bo‘lsa-da, «Atletiko» uni turinliklardan 32 million yevro evaziga sotib olishni istamayapti.

«Atletiko» tarkibida Gonsales barcha turnirlarni hisobga olgan holda 31 ta o‘yinda ishtirok etdi va 3 ta gol urishga muvaffaq bo‘ldi. Vingerning «Yuventus» bilan amaldagi mehnat shartnomasi 2029 yilning yoziga qadar mo‘ljallangan.