Туриннинг «Ювентус» клубига тегишли бўлган ва жорий мавсумни Мадриднинг «Атлетико» жамоасида ижара асосида ўтказаётган аргентиналик вингер Нико Гонсалеснинг келажаги борасида янги маълумотлар пайдо бўлди.

Бундан олдин «матрасчилар» 27 ёшли футболчини тўлиқ сотиб олиш мақсадга мувофиқлиги борасида шубҳаланаётгани ҳақида хабар берилган эди.

Cadena SER нашрига маълум бўлишича, Гонсалес асосий таркиб футболчиси бўлса-да, «Атлетико» уни туринликлардан 32 миллион евро эвазига сотиб олишни истамаяпти.

«Атлетико» таркибида Гонсалес барча турнирларни ҳисобга олган ҳолда 31 та ўйинда иштирок этди ва 3 та гол уришга муваффақ бўлди. Вингернинг «Ювентус» билан амалдаги меҳнат шартномаси 2029 йилнинг ёзига қадар мўлжалланган.