Dortmundning «Borussiya» klubi hujumkor yarim himoyachisi Yulian Brandt yozda jamoasini o‘zgartiradi. 29 yoshli futbolchi joriy mavsum yakunlanib, amaldagi shartnomasi muddati tugagach, erkin agentga aylanadi.

Insayder Nikolo Skiraning xabar berishicha, germaniyalik futbolchining xizmatlariga Angliyaning «Aston Villa», Italiyaning «Roma» va Turkiyaning «Fenerbaxche» klublari qiziqish bildirmoqda. Avvalroq, o‘yinchiga Milanning «Inter», Londonning «Arsenal» va boshqa ko‘plab klublar da’vogarlik qilayotgani haqida xabarlar tarqalgan edi.

Yulian Brandt «Borussiya» safida yetti yilni o‘tkazdi. Joriy mavsumda u dortmundliklar libosida barcha turnirlarda 34 ta uchrashuvda maydonga tushib, 10 ta gol va 3 ta golli uzatmani o‘z hisobiga yozdirib qo‘ydi.