«An-Nasr» hujumchisi Joau Feliks ilgari «Chelsi» safida to‘p surgan Angliya Premyer-ligasiga qaytishi mumkin.
Fichajes nashrining ma’lumotlariga ko‘ra, «Manchester Yunayted» portugaliyalik futbolchini o‘z safiga qo‘shib olishga qiziqish bildirmoqda. «Qizil iblislar»ga 26 yoshli futbolchining universalligi, ya’ni ham hujumkor yarim himoyachi, ham qanotda o‘ynay olishi ma’qul kelmoqda. "MYU" rahbariyati Feliks jamoa hujum chizig‘iga rang-baranglik va moslashuvchanlik qo‘shishiga ishonmoqda.
Joau Feliks 2025 yilda «Chelsi»dan «An-Nasr»ga 30 million yevro evaziga o‘tgan edi. Uning shartnomasi 2027 yilning 30 iyuniga qadar mo‘ljallangan. Joriy mavsumda hujumchi Saudiya klubi safida 37 ta o‘yinda maydonga tushib, 21 ta gol urdi va 15 ta golli uzatmani amalga oshirdi.
