«Ан-Наср» ҳужумчиси Жоау Феликс илгари «Челси» сафида тўп сурган Англия Премьер-лигасига қайтиши мумкин.
Fichajes нашрининг маълумотларига кўра, «Манчестер Юнайтед» португалиялик футболчини ўз сафига қўшиб олишга қизиқиш билдирмоқда. «Қизил иблислар»га 26 ёшли футболчининг универсаллиги, яъни ҳам ҳужумкор ярим ҳимоячи, ҳам қанотда ўйнай олиши маъқул келмоқда. "МЮ" раҳбарияти Феликс жамоа ҳужум чизиғига ранг-баранглик ва мослашувчанлик қўшишига ишонмоқда.
Жоау Феликс 2025 йилда «Челси»дан «Ан-Наср»га 30 миллион евро эвазига ўтган эди. Унинг шартномаси 2027 йилнинг 30 июнига қадар мўлжалланган. Жорий мавсумда ҳужумчи Саудия клуби сафида 37 та ўйинда майдонга тушиб, 21 та гол урди ва 15 та голли узатмани амалга оширди.
