O‘z vaqtida «Arsenal» darvozasini qo‘riqlagan Yens Lemann Kepa Arrisabalaga ko‘proq o‘yin amaliyotiga loyiq deb hisoblaydi.

Ispaniyalik golkiper joriy mavsumda Angliya Premyer-ligasi doirasida birorta ham o‘yinda maydonga tushmadi. Angliya liga kubogi finalida «Manchester Siti»ga qarshi bahsda (0:2) Kepaga ishonch bildirildi, biroq u golli vaziyatlardan birida xatoga yo‘l qo‘ydi.

«Unga o‘yin vaqti berish kerak, chunki Rayya bilan nimadir sodir bo‘lishi mumkin. Bunday holatda o‘ziga ishongan va murabbiy unga ishonishini biladigan yaxshi o‘rinbosar kerak bo‘ladi», — deya ekspertning so‘zlarini keltiradi The Sun nashri.

31 yoshli darvozabon hisobida joriy mavsumda jami 10 ta o‘yin bor. Ularning to‘rttasida u o‘z darvozasi daxlsizligini saqlab qolgan.