Ўз вақтида «Арсенал» дарвозасини қўриқлаган Йенс Леманн Кепа Аррисабалага кўпроқ ўйин амалиётига лойиқ деб ҳисоблайди.

Испаниялик голкипер жорий мавсумда Англия Премьер-лигаси доирасида бирорта ҳам ўйинда майдонга тушмади. Англия лига кубоги финалида «Манчестер Сити»га қарши баҳсда (0:2) Кепага ишонч билдирилди, бироқ у голли вазиятлардан бирида хатога йўл қўйди.

«Унга ўйин вақти бериш керак, чунки Райя билан нимадир содир бўлиши мумкин. Бундай ҳолатда ўзига ишонган ва мураббий унга ишонишини биладиган яхши ўринбосар керак бўлади», — дея экспертнинг сўзларини келтиради The Sun нашри.

31 ёшли дарвозабон ҳисобида жорий мавсумда жами 10 та ўйин бор. Уларнинг тўрттасида у ўз дарвозаси дахлсизлигини сақлаб қолган.