Dortmundning «Borussiya» klubi afsonasi Marko Roys «Manchester Yunayted» vingeri Jeydon Sanchoning yana «asalarilar» safiga qaytishi mumkinligi borasida o‘z fikrini bildirdi.

Avvalroq, joriy mavsumni ijara asosida «Aston Villa»da o‘tkazayotgan Sanchoga «Borussiya» qiziqish bildirayotgani haqida xabar berilgan edi.

«Jeydonga asosiy maslahatim — atrofga nazar tashlasin va qayerda o‘zini yana uydagidek his qilishi hamda eng yaxshi formasiga qayta olishi mumkinligini ko‘rsin. Agar bu Dortmundning «Borussiya»sida yuz bersa, bu ham u uchun, ham «Borussiya» uchun yaxshi bo‘lardi», — deya Roysning so‘zlarini keltiradi BILD nashri.

Joriy mavsumda 26 yoshli Sancho barcha turnirlarni hisobga olgan holda 31 ta o‘yinda ishtirok etib, bitta gol urdi va o‘z hisobiga uchta golli uzatmani yozdirib qo‘ydi.