Yarim himoyachi Tyon Kopmeyners shu yozda «Yuventus»ni tark etishi mumkin.

Corriere dello Sport nashrining xabariga ko‘ra, niderlandiyalik futbolchi Turin klubining rejalariga kirmayapti. «Yuventus» 28 yoshli futbolchini yozgi transfer oynasida 30–35 million yevro evaziga sotishga tayyor.

Tyon Kopmeyners 2024 yilda «Atalanta»dan «Yuventus»ga 58 million yevro evaziga o‘tgan edi. Uning Turin klubi bilan shartnomasi 2029 yilning 30 iyuniga qadar mo‘ljallangan. Joriy mavsumda gollandiyalik futbolchi barcha turnirlarda 39 ta o‘yinda maydonga tushib, 2 ta gol urdi va bitta golli uzatmani amalga oshirdi. Transfermarkt portali Kopmeynersning bozor qiymatini 20 million yevroga baholamoqda.