Portugaliyalik hujumchi Rafael Leau davolanish uchun uchib ketdi. Uning aynan qayerga yo‘l olgani ma’lum qilinmagan, biroq futbolchi ijtimoiy tarmoqlarda bulutlar uzra samolyot bortida ekani aks etgan suratni joylashtirdi.
Pianetamilan.it nashrining aniqlik kiritishicha, Leauning bu safari ta’til bilan bog‘liq emas, chunki hozirda «Milan»da u uchun dam olish kunlari belgilanmagan. Safardan ko‘zlangan asosiy maqsad — jarohatni tezroq davolashdir. Kutilishicha, u aprel oyi boshida bo‘lib o‘tadigan «Napoli»ga qarshi o‘yinga qadar Massimiliano Allegri ixtiyoriga qaytadi.
Eslatib o‘tamiz, portugaliyalik hujumchi 2019 yildan buyon «Milan» sharafini himoya qilib kelmoqda.
