Португалиялик ҳужумчи Рафаэль Леау даволаниш учун учиб кетди. Унинг айнан қаерга йўл олгани маълум қилинмаган, бироқ футболчи ижтимоий тармоқларда булутлар узра самолёт бортида экани акс этган суратни жойлаштирди.
Pianetamilan.it нашрининг аниқлик киритишича, Леаунинг бу сафари таътил билан боғлиқ эмас, чунки ҳозирда «Милан»да у учун дам олиш кунлари белгиланмаган. Сафардан кўзланган асосий мақсад — жароҳатни тезроқ даволашдир. Кутилишича, у апрель ойи бошида бўлиб ўтадиган «Наполи»га қарши ўйинга қадар Массимилиано Аллегри ихтиёрига қайтади.
Эслатиб ўтамиз, португалиялик ҳужумчи 2019 йилдан буён «Милан» шарафини ҳимоя қилиб келмоқда.
