Italiya terma jamoasi bosh murabbiyi Jennaro Gattuzo Shimoliy Irlandiyaga qarshi o‘tish o‘yini oldidan jurnalistlar bilan suhbatlashdi.
Jamoalar JCH-2026 yo‘llanmasi uchun pley-off yarim finali doirasida to‘qnash kelishadi. Uchrashuv payshanba kuni Bergamo shahrida bo‘lib o‘tadi.
«Bu o‘yinda juda ko‘p narsa tikilgan. Butun Italiya bizga umid bog‘lamoqda. To‘g‘risini aytsam, oxirgi oylarda ko‘chada meni tez-tez to‘xtatib, terma jamoamizni Jahon chempionatiga olib chiqishimni so‘rashmoqda. Men bosimlarga o‘rganib qolganman, lekin bu faoliyatimdagi eng muhim o‘yin», — deya Gattuzoning so‘zlarini keltiradi Calciomercato.
O‘yinning boshlanishi Toshkent vaqti bilan tungi soat 00:45 ga rejalashtirilgan. Ushbu juftlik g‘olibi finalda Uels yoki Bosniya va Gersegovina terma jamoasi bilan to‘qnash keladi.
