2021 yilda turkiyalik yarim himoyachi Xakan Chalxano‘g‘li kutilmaganda «Milan»ni tark etib, to‘g‘ridan-to‘g‘ri asosiy raqib — «Inter» lageriga yo‘l olgan edi. Shu tariqa u «rossonerilar» muxlislari («tifozi») orasida o‘zi haqida unchalik yaxshi bo‘lmagan xotira qoldirdi, biroq hozirda ular oldida o‘zini oqlashga harakat qilmoqda.
«Biz oxirigacha «Milan»dan shartnomani uzaytirish bo‘yicha taklif kutdik, lekin bu amalga oshmadi. «Barselona» va «Yuventus»dan ham takliflar bor edi, ammo «Inter» hammadan ko‘ra qat’iyatliroq harakat qildi. Va men oilam ham qo‘llab-quvvatlagan qarorni qabul qildim», — deya Chalxano‘g‘lining so‘zlarini keltiradi pianetamilan.it.
Hozirda «Inter» va «Milan» Italiya chempionati turnir jadvalida dastlabki ikki o‘rinni egallab turibdi.
