«Komo» yarim himoyachisi Martin Baturina klubini o‘zgartirishi mumkin.

Jurnalist Simone Tonining ma’lumotlariga ko‘ra, xorvatiyalik futbolchining transferiga «Inter» qiziqish bildirmoqda. Milan klubi anchadan beri 23 yoshli xavbekning o‘yini va rivojlanishini kuzatib bormoqda.

Martin Baturina 2025 yilda Zagrebning «Dinamo» klubidan «Komo» safiga 18 million yevro evaziga o‘tgan edi. Uning shartnomasi 2030 yilning 30 iyuniga qadar mo‘ljallangan. Joriy mavsumda yarim himoyachi 25 ta o‘yinda maydonga tushib, 7 ta gol urdi va 4 ta golli uzatmani amalga oshirdi. Transfermarkt portali Baturinaning bozor qiymatini 24 million yevroga baholamoqda.