«Tottenxem» markaziy himoyachisi Mikki van de Ven «Barselona»ga o‘tishga qiziqish bildirmoqda.

«Shporlar» niderlandiyalik futbolchi bilan shartnomani uzaytirishni xohlamoqda, biroq futbolchining o‘zi muzokaralar olib borishni istamayapti. Bunga uning «Barselona» tomonidan bo‘layotgan qiziqishlardan xabar topgani sabab bo‘lmoqda, deb xabar beradi Managing Barca. Shunga qaramay, ushbu transferni amalga oshirish juda qiyin bo‘ladi — «Tottenxem» futbolchi uchun taxminan 100 million funt sterling (115 million yevrodan ko‘proq) talab qilmoqda.

Mikki van de Venning London klubi bilan amaldagi mehnat shartnomasi 2029 yilgacha mo‘ljallangan. 24 yoshli futbolchining bozor qiymati Transfermarkt portali talqiniga ko‘ra 65 million yevroni tashkil etadi.