«Тоттенхэм» марказий ҳимоячиси Микки ван де Вен «Барселона»га ўтишга қизиқиш билдирмоқда.

«Шпорлар» нидерландиялик футболчи билан шартномани узайтиришни хоҳламоқда, бироқ футболчининг ўзи музокаралар олиб боришни истамаяпти. Бунга унинг «Барселона» томонидан бўлаётган қизиқишлардан хабар топгани сабаб бўлмоқда, деб хабар беради Managing Barca. Шунга қарамай, ушбу трансферни амалга ошириш жуда қийин бўлади — «Тоттенхэм» футболчи учун тахминан 100 миллион фунт стерлинг (115 миллион евродан кўпроқ) талаб қилмоқда.

Микки ван де Веннинг Лондон клуби билан амалдаги меҳнат шартномаси 2029 йилгача мўлжалланган. 24 ёшли футболчининг бозор қиймати Transfermarkt портали талқинига кўра 65 миллион еврони ташкил этади.