«Barselona» himoyachisi Alexandro Balde faoliyatini Angliyada davom ettirishi mumkin.

Mundo Deportivo nashrining ma’lumotlariga ko‘ra, ispaniyalik futbolchiga «Manchester Yunayted», «Manchester Siti» va «Aston Villa» klublari qiziqish bildirmoqda. Hozircha transfer bo‘yicha rasmiy takliflar tushmagan bo‘lsa-da, ingliz klublarining qiziqishi ancha jiddiy.

Baldening o‘zi esa «Barselona»da qolish niyatida. Uning agenti Jorje Mendesh ham, «ko‘k-anorranglilar»ning moliyaviy qiyinchiliklariga qaramay, himoyachi Kataloniya klubini tark etish niyatida emasligini tasdiqladi.

Alexandro Balde «Barselona» akademiyasi tarbiyalanuvchisi hisoblanadi. Uning amaldagi shartnomasi 2028 yilning 30 iyuniga qadar mo‘ljallangan. Joriy mavsumda himoyachi Kataloniya klubi safida 34 ta o‘yinda maydonga tushib, 3 ta golli uzatmani amalga oshirdi.