«Барселона» ҳимоячиси Алехандро Бальде фаолиятини Англияда давом эттириши мумкин.
Mundo Deportivo нашрининг маълумотларига кўра, испаниялик футболчига «Манчестер Юнайтед», «Манчестер Сити» ва «Астон Вилла» клублари қизиқиш билдирмоқда. Ҳозирча трансфер бўйича расмий таклифлар тушмаган бўлса-да, инглиз клубларининг қизиқиши анча жиддий.
Бальденинг ўзи эса «Барселона»да қолиш ниятида. Унинг агенти Жорже Мендеш ҳам, «кўк-анорранглилар»нинг молиявий қийинчиликларига қарамай, ҳимоячи Каталония клубини тарк этиш ниятида эмаслигини тасдиқлади.
Алехандро Бальде «Барселона» академияси тарбияланувчиси ҳисобланади. Унинг амалдаги шартномаси 2028 йилнинг 30 июнига қадар мўлжалланган. Жорий мавсумда ҳимоячи Каталония клуби сафида 34 та ўйинда майдонга тушиб, 3 та голли узатмани амалга оширди.
