Fransiya terma jamoasi hujumchisi Kilian Mbappe Braziliyaga qarshi o‘rtoqlik uchrashuvida gol urdi. «Real Madrid» forvardi bahsning 32-daqiqasida hisobni ochdi.
Bu Mbappe uchun milliy terma jamoa libosidagi 95-o‘yinda kiritilgan 56-gol bo‘ldi. Endi unga Olivye Jiruning rekordini takrorlash uchun bor-yo‘g‘i bitta gol qoldi. Hozirda «Lill» hujumchisi Jiru hisobida 137 ta o‘yinda urilgan 57 ta gol mavjud. To‘purarlar ro‘yxatida uchinchi o‘rinni Tyerri Anri egallab turibdi — 123 ta o‘yinda 51 ta gol.
Fransiya terma jamoasi o‘zining navbatdagi uchrashuvini 29 mart kuni Kolumbiyaga qarshi o‘tkazadi.
