Франция терма жамоаси ҳужумчиси Килиан Мбаппе Бразилияга қарши ўртоқлик учрашувида гол урди. «Реал Мадрид» форварди баҳснинг 32-дақиқасида ҳисобни очди.

Бу Мбаппе учун миллий терма жамоа либосидаги 95-ўйинда киритилган 56-гол бўлди. Энди унга Оливье Жирунинг рекордини такрорлаш учун бор-йўғи битта гол қолди. Ҳозирда «Лилль» ҳужумчиси Жиру ҳисобида 137 та ўйинда урилган 57 та гол мавжуд. Тўпурарлар рўйхатида учинчи ўринни Тьерри Анри эгаллаб турибди — 123 та ўйинда 51 та гол.

Франция терма жамоаси ўзининг навбатдаги учрашувини 29 март куни Колумбияга қарши ўтказади.