Markus Reshfordning kelajagi mavhumligicha qolmoqda. «Barselona» angliyalik futbolchini «Manchester Yunayted»dan 30 million yevroga sotib olish imkoniyatiga shubha bilan qaramoqda. Reshford ijara muddati tugagach, «Old Trafford»ga qaytishi va keyin boshqa klubga yo‘l olishi istisno etilmayapti.

CaughtOffside xabariga ko‘ra, 28 yoshli Reshford «PSJ» va «Milan» kabi klublar kuzatuvida turibdi. Ushbu jamoalarga ingliz hujumchisining o‘yini ma’qul kelmoqda.

Shu bilan birga, Reshfordning o‘zi hamon «Barselona»da qolishdan umidvor ekani qayd etilgan. Biroq kataloniyaliklarga futbolchini sotib olishda moliyaviy qiyinchiliklar to‘sqinlik qilishi mumkin.

Markus Reshford 2025/2026 yilgi mavsumda o‘tkazilgan 39 ta o‘yinda 10 ta gol urdi.