«Arsenal»ning ashaddiy muxlisi hisoblangan britaniyalik jurnalist Pirs Morgan gruziyalik vinger Xvicha Kvarasxeliyaning «to‘pchilar» lageriga ehtimoliy transferi haqidagi xabarlarga munosabat bildirdi.

«Agar bu rost xabar bo‘lsa, «Arsenal» Kvarasxeliyani sotib olishi kerak. Arteta, pul ayashning keragi yo‘q. Bu aql bovar qilmas futbolchi», — deb yozib qoldirdi Morgan ijtimoiy tarmoqlardagi sahifasida.

Hozirda Xvicha Fransiyaning «PSJ» klubi a’zosi hisoblanadi. Gruziyalik futbolchi 2025 yilning boshida parijliklar safiga kelib qo‘shilgan edi. Transfer bozorida o‘yinchining narxi 110 million yevroni tashkil etmoqda.

Joriy mavsumda Kvarasxeliya 37 ta uchrashuvda maydonga tushib, 12 ta gol va 7 ta golli uzatmani amalga oshirdi.