Argentina terma jamoasi ustozi Lionel Skaloni bo‘lajak o‘rtoqlik uchrashuvida Lionel Messini maydonga tushirish rejalari haqida to‘xtaldi.
Jumadan shanbaga o‘tar kechasi argentinaliklar Mavritaniyaga qarshi bahs olib borishadi. Uchrashuv Toshkent vaqti bilan soat 04:15 da boshlanadi.
«Biz avvalgi darajamizga qaytishni va barcha futbolchilarimizni harakatda ko‘rishni istaymiz. Messiga kelsak — ha, u o‘ynaydi. Bu barcha uchun u biz bilan bo‘lgan vaqtda uning o‘yinidan zavqlanish uchun yana bir imkoniyatdir», — dedi Skaloni matbuot anjumanida.
Chorshanba kuni, 1 aprel sanasida «albiseleste» ishtirokidagi ikkinchi o‘rtoqlik uchrashuvi bo‘lib o‘tadi — bu safar raqib Zambiya terma jamoasi bo‘ladi.
