«Strasburg» hujumchisi Xoakin Panichelli tizzasidagi xochsimon bog‘lamlari uzilgani sababli uzoq muddatga safdan chiqdi. Jurnalist Arevalo Martin bergan ma’lumotlarga ko‘ra, 23 yoshli futbolchi yozda bo‘lib o‘tadigan Jahon chempionatida ishtirok eta olmasligi deyarli aniq bo‘lib ulgurgan.

Xoakin Panichelli Argentina terma jamoasi safida o‘tgan yilning noyabr oyida Angolaga qarshi kechgan o‘rtoqlik uchrashuvida debyut qilgan edi. Hujumchi joriy mavsumni ko‘tarinki ruhda o‘tkazmoqda: u 16 ta gol bilan Fransiya Liga 1 to‘purarlar poygasida peshqadamlik qilmoqda. Umumiy hisobda esa «Strasburg» libosida ushbu mavsumda 39 ta o‘yinda maydonga tushib, 20 ta gol muallifiga aylangan.

Eslatib o‘tamiz, «albiseleste» bo‘lajak mundialning guruh bosqichida Jazoir, Avstriya va Iordaniya terma jamoalari bilan kuch sinashadi.