"Tottenxem Xotspur" futbolchisi tez orada maydonga qaytadi. Xabarlarga ko‘ra, "shporlar" hujumchisi Deyan Kulusevski jarohatidan butunlay forig‘ bo‘lgan.
Bu haqida futbolchi Shvesiya terma jamoasi qarorgohidagi suhbatida ma’lum qildi. "Hech qachon o‘zimni hozirgidek yaxshi his qilmagandim", — deydi 25 yoshli futbolchi. Agarda hammasi joyida bo‘lsa, u yozdagi jahon chempionatiga Shvesiya bilan bora oladi.
Avval uning jamoasi saralashdagi Polsha to‘sig‘idan o‘tishi kerak bo‘ladi. Shuningdek, mavsum yakunlanmasdan Kulusevski APLda ham ko‘rinish berishga tayyor. U 2025 yilning may oyida tizzasidan jarohat olib, deyarli bir mavsumni maydondan chetda o‘tkazishga majbur bo‘ldi.
