"Тоттенхэм Хотспур" футболчиси тез орада майдонга қайтади. Хабарларга кўра, "шпорлар" ҳужумчиси Дейан Кулусевски жароҳатидан бутунлай фориғ бўлган.
Бу ҳақида футболчи Швеция терма жамоаси қароргоҳидаги суҳбатида маълум қилди. "Ҳеч қачон ўзимни ҳозиргидек яхши ҳис қилмагандим", — дейди 25 ёшли футболчи. Агарда ҳаммаси жойида бўлса, у ёздаги жаҳон чемпионатига Швеция билан бора олади.
Аввал унинг жамоаси саралашдаги Польша тўсиғидан ўтиши керак бўлади. Шунингдек, мавсум якунланмасдан Кулусевски АПЛда ҳам кўриниш беришга тайёр. У 2025 йилнинг май ойида тиззасидан жароҳат олиб, деярли бир мавсумни майдондан четда ўтказишга мажбур бўлди.
